Valtiolle.fi-rekrytâʹsttem­riâžldõk

Vuõiggâdvuõttkanslerkonttâr rekrytâʹsttemprosessa õhttneei oocci ooccmõõžži ǩiõttʼtõõllâm.

Rekisterõõʹnni

Vuõiggâdvuõttkanslerkoontâr

Jååʹttemaddrõs Snellmaninkatu 1, HEʹLSSEN

Pååʹštaddrõs PL 20, 00023 RIIKKSUÅVTÕS

Teʹlfon 0295 162 902 (rekisterâʹsttemkoontâr)

Neʹttpååʹšt kirjaamo.okv(at)gov.fi

Teâttsuejjvaʹstteei

Pekka Liesivuori

Pååʹštaddrõs PL 20, 00023 RIIKKSUÅVTÕS

Neʹttpååʹšt tietosuojavastaava(at)okv.fi

Persoonteâđai ǩiõttʼtõõllmõõžž meäʹr di ǩiõttʼtõõllmõõžž lääʹǩǩvuâđđ

Persoonteâđaid ǩiõttʼtõõlât vuõiggâdvuõttkanslerkonttâr rekrytâʹsttemproseeʹssi vääras.

Oocci persoonteâđai ruõkkmõš riâžldõʹǩǩe vuâđđââvv rekisterõsttum oummu miâsttmõʹšše. Ruõkkum teâđai ǩiõttʼtõõllâm vuâđđââvv vuõiggâdvuõttkanslerkonttra veʹrǧǧneʹǩǩen lääʹjjšiõttummšest pijjum õõlǥtõõzzid. Rekrytõʹstti ââʹnnemvuõiggâdvuõđid õhttneei persoonteâđai ǩiõttʼtõõllâm vuâđđââvv lääʹjjšiõttummša.

Ǩiõttʼtõõllâm lääʹǩǩvuâđđan lie takai teâttsuejjasetõõzz 6 artikla 1 pääiʹǩ a- da c-vueʹllpääiʹǩ.

Ǩiõttʼtõõllâmvuâllsa persoonteâđ

Ooccmõõžžid õhttneei teâđ: oocci jeärtõõllâmteâđ (nõmm, addrõs, teʹlfon, sooǥǥpieʹll, jeeʹres vueiʹtlvaž õhttvuõtt-teâtt), oocci ooccmõõžžâst čuäʹjtem teâđ jijstes, ouddmiârkkân škooultem- da tuõjjuharjjnummuž teâđ, jeeʹres oocci ooccmõõžžâs tuärjjan tååimtem teâđ mâʹte nõmmǩeʹrjj/merittloǥstõk, škooul- da mätt-tuõđštõõzz, tuâjjtuõđštõõzz, oocci iʹlmmtem siâzztõõlli, jeeʹres tuâjjooccma da veʹrǧǧtieuʹddem määinaid õhttneei taarbla teâđ.

Persoonteâđai vuâsttavaʹlddi da leʹbe vuâsttavaʹlddijoouk

Vuõiggâdvuõttkanslerkonttâr tuâjjlažkåʹdd ǩiõttʼtââll persoonteâđaid veʹrǧǧtuâjaineez.

Riâžldõõǥǥ teâđaid jeät sirddu kuälmad riikkid leʹbe meeraikõskksaž organisaatioid.

Persoonteâđai seeiltemäiʹǧǧ

Rekrytâsttmõõžžid ohjjuum ooccmõõžž jäuʹǩǩe riâžldõõǥǥâst kutt määnpââʹj proseeʹss ǩiõrǥtummuž mâŋŋa. Äävooccmõõžž jäuʹǩǩe riâžldõõǥǥâst kuuđ määnpââʹj ǩeeʹjjest mââimõs ruõkkmõõžž mâŋŋa. Oocci teâđaid jaukkeet, ko tõk lie ââʹnǩani õõut eeʹjj. Ouddâl jaukkummuž ooccja iʹlmmtet ääʹššest. Oocci vuäitt še jiõčč raukkâd teâđees jaukkummuž. Rekrytõʹstti teâđaid jaukkeet resurssvaaldšemäʹšštobddi tuejjeem jaukkeemraukkmõõžž vuâđald mââimõsân teʹl, ko rekrytõʹstti veʹrǧǧkõskk poott.

Rekisterõsttum oummu vuõiggâdvuõđ

Rekisterõsttum oummust lij vuõiggâdvuõtt vuäǯǯad teâđ tõʹst, što suu kuõskki persoonteâđaid ǩiõttʼtõõlât leʹbe što tõid jeät ǩiõttʼtõllu, da jõs täid persoonteâđaid ǩiõttʼtõõlât, vuõiggâdvuõtt vuäǯǯad piâssmõõžž persoonteâđaid.

Rekisterõsttum oummust lij vuõiggâdvuõtt kaiʹbbjed rekisterõsttum oummu kuõskki panntääʹrǩes da vââǥǥlaž persoonteâđai vuõiǥummuž da, vääʹldeeʹl lokku teâđai ǩiõttʼtõõllmõõžž meäʹr, vuõiggâdvuõtt vuäǯǯad vännas persoonteâđaid tiudduum.

Rekisterõsttum ooumaž vuäitt raukkâd, što rekisterõõʹnni rääʹjat ǩiõttʼtõõllmõõžž, jõs rekisterõsttum ooumaž lij šeäggam persoonteâđai tuõʹllʼjummuž. Teʹl persoonteâđai ǩiõttʼtõõllmõõžž rääʹjtet ääiǥas, koon seʹst rekisterõõʹnni vuäitt ainsmâʹtted tõi tuõʹllʼjummuž.

Persoonteâđaid kuõskki teâttraukkmõõžž da persoonteâđai vuõiǥummuž leʹbe tiuddummuž di ǩiõttʼtõõllmõõžž rääʹjtummuž kuõskki raukkmõõžžid âlgg čuäʹjted rekisterõõʹnnʼja.