Riehtikanslervirgáduv čuákkejum olgoldâs almottâskanava

Riehtikanslervirgádâh tuáimá almotteijeesuojâlem čuákkejum olgoldâs almottâskanavan.

Almottâs puástukevttimist lii máhđulâš toohâđ riehtikanslervirgáduv čuákkejum olgoldâs almottâskanavan, jis

  • almotteijeesuojâlem kulmâ almos iähtu olášuveh. Luuvâ iävtuid
  • almotteijest ij lah máhđulâš toohâđ almottâs siskáldâs almottâskanavan
  • almotteijest lii vuáđustâllum suijâ oskođ, ete siskáldâs almottâs vuáđuld iä lah algâttâm tooimâid meriääigi siste tâi ton vuáđuld rikkomân iä paste tarvaniđ pehtilávt tâi
  • almotteijest lii vuáđustâllum suijâ oskođ, ete sun lii uhkeest karttâđ vyestitooimâi čuosâttâhhân almottâs keežild.

Almottâs sirdeh toimâváldálii virgeomâhâžân tâi ministeriön

Riehtikanslervirgádâh sirdá almottâs toimâváldálii virgeomâhâžân ige jieš tuuđhâ almottâsâid. Toimâváldálâš virgeomâhâš lii virgeomâhâš, mon paargon puástukevttimij kocceem já toid kyeskee almottâsâi kieđâvuššâm lahâasâttem mield kulá. Jis ij lah toimâváldálâš virgeomâhâš, te almottâs sirdeh ton ministeriön, mon haldâttâhsuárgán almottâs kuáská. Sirdem tahhoo huápulávt, jis almottâsâst lii koččâmuš tiervâsvuođâ tâi torvolâšvuođâ njuolgist já tuođâlávt uhkedeijee rikkomist.

Riehtikanslervirgádâh ij kuittâg sirde čielgâsávt almotteijeesuojâlem heiviittemsyergi ulguubel päccee čalluid toimâváldálii virgeomâhâžân. Tágárijd čalluid iä meid kieđâvuš riehtikanslervirgáduvâst kuoddâlmin.

Toimâváldálâš virgeomâhâš tâi ministeriö totká almottâs

Toimâváldálâš virgeomâhâš tâi ministeriö árvuštâl, ete heiviitteh-uv almottâsân já almotteijei almotteijeesuojâlemlaavâ. Virgeomâhâš tâi ministeriö seelvât, ete tuálá-uv almottâs tiäivás já aalgât tárbulijd tooimâid rikkom kieđâvušmân.

Toimâváldálâš virgeomâhâš tâi ministeriö muštâl almotteijei tohhum tooimâin.