Váldde oktavuođa áššáigullevaš eiseváldái
Ovdal guoddaleami dahkama gánneha dávjá leat njuolga oktavuođas eiseváldái, gean navdá doaibman lága vuostá. Ná ášši soaitá čoavdašuvvat almmá guoddaleami haga.Dárkkis, ahte du áššis sáhttá guoddalit vuoigatvuođakánslerii
Buot áššiid ii sáhte guoddalit vuoigatvuođakánslerii. Loga lasi siiddus “Háliidatgo dahkat guoddaleami?”.Oahpásmuva guoddalanrávvagiidda ja daga guoddaleami girjjálaččat.
Guoddaleapmi dahkko girjjálaččat. Guoddaleami sáhttá sáddet poastta fáro dahje e-poasttain.Registrerenkantuvra váldá guoddaleami vuostá
Vuoigatvuođakánsleradoaimmahaga registrerenkantuvra váldá guoddaleami vuostá ja sádde guoddaleaddjái elektrovnnalaččat dieđu sáddejuvvon guoddaleami vuostáiváldimis.Guoddaleami gieđahallama árvvoštallan
Vuoigatvuođakánsler árvvoštallá, gieđahallojuvvogo guoddaleapmi. Vuoigatvuođakánsler gieđahallá guoddaleami, jus son dan vuođul eahpida doaibmi dahje olbmo, guhte gullá su bearráigeahču doaibmaválddi vuollái, doaibman lága vuostá dahje jus vuoigatvuođakánsler eará sivas árvvoštallá guoddaleami gieđahallama dárbbašlažžan.Guoddaleami čielggadeapmi ja mearrádusa válmmaštallan
Guoddaleapmi čielggaduvvo vugiin, man vuoigatvuođakánsler geahččá dárbbašlažžan. Vuoigatvuođakánsleris lea riekti oažžut su dárbbašan dieđuid eiseválddiin ja dain, geat dikšot eará almmolaš doaimmaid, lágalašvuođabearráigeahču várás.Mearrádusa addin
Guoddaleami čoavdá juogo vuoigatvuođakánsler dahje veahkkevuoigatvuođakánsler (dahje su sadjásaš). Mearrádusas muitaluvvo, mo mearrádus lea dahkkon ja makkár čuovvumušaid guoddaleapmi lea ožžon áigái.Čuovvumušat
Guoddaleami dábáleamos čuovvumušat leat dat, ahte vuoigatvuođakánsler addá mearrádusastis guoddaleami čuozáhahkii dieđu meannudeamis, mii čuovvu lága dahje buorre hálddašanvuogi. Vuoigatvuođakánsler ii sáhte nuppástuhttit dahje gomihit eiseválddi mearrádusa iige mearridit eiseválddi gieđahallat ášši ođđasit.Mearrádusa doaimmaheapmi
Mearrádus doaimmahuvvo guoddaleaddjái ja dárbbu mielde dasa, gean guoddaleapmi guoská.Mearrádusa almmustahttin
Vuoigatvuođakánslera doaibmabijuid dagahan mearrádusat almmustahttojit vuoigatvuođakánslera neahttasiidduin. Mearrádus nuppástuhtto almmustahttima várás nu, ahte guoddaleaddji ja dárbbu mielde guoddaleami čuozáhaga ii sáhte šat dovdát mearrádusas.Fuomáš, ahte guoddalančállosat leat dábálaččat almmolaš áššegirjjit, jus dat eai sisdoala dieđuid, maid galgá lága mielde doallat suollemassan.
Loga fuolalaččat guoddalanrávvagiid siiddus “Mo guoddaleapmi dahkko?”.
Vuoigatvuođakánsler ii gieđahala guoddaleami, jus
- guoddaleapmi guoská badjel guokte jagi boares ášši, jus gieđahallamii ii leat erenomáš sivva
- ášši gieđahallan lea jođus doaibmaválddálaš eiseválddis
- áššái gustovaš mearrádussii sáhttá ohcat nuppástusa njuolggaduslaš (dábálaš) nuppástusohcanvugiiguin
- guoddaleapmi ii gula vuoigatvuođakánslera doaibmaváldái.
Guoddaleaddjái geahččaluvvo almmuhuvvot ájiheami haga, jus guoddaleapmi ii gieđahallojuvvo vuoigatvuođakánsleradoaimmahagas.
Vuoigatvuođakánsler sáhttá sirdit guoddaleami gieđahallama doaibmaválddálaš eiseváldái, jus dasa gávdnojit ákkat. Sirdimis almmuhuvvo guoddaleaddjái. Vuoigatvuođakánsler ii goittotge guoddaleaddji bivdaga vuođul sirdde guoddaleami ja dasa laktáseaddji áššegirjjiid eará eiseváldái.
Guoddaleami válmmaštallá doaimmahaga juristaovdanbukti. Ovdal ášši čoavdima guoddaleami čuozáhahkii addojuvvo dilálašvuohta muitalit iežas oainnu áššis, jus sáhttet gávdnot sivat árvvoštallat dan doaimma ášši ektui. Guoddaleami gieđahallanáigi lea gitta ášši luonddus. Gieđahallanáiggi mihttomearri lea eanemustá okta jahki.
Guoddaleami čuovvumuššan vuoigatvuođakánsler sáhttá
- mearridit ovdadutkama dahkkojuvvot
- áššáskuhttit duođalaš lágahisvuođaid buohta
- fuomášuhttit guoddaleami čuozáhaga
- ovdanbuktit iežas oaivila lága dahje buorre hálddašeami gáibádusain dahje vuođđo- ja olmmošvuoigatvuođaid ollašuvvama ovddideaddji geahččanguovlluin
- addit guoddaleami čuozáhahkii dieđu meannudeamis, mii čuovvu lága ja buorre hálddašanvuogi
- ávžžuhit guoddaleami čuozáhaga buhtadit šaddan vahága dahje spiehkastatdilis maiddái ohcat lágafámolaš mearrádusa dahje duomu burgima
- bargat evttohusa váilevaš dahje ruossalas šiehtadallama nuppástuhttimin.