Tobdstõõttmõš iʹlmmteeisuõjjlummša
Iʹlmmteei suõjjlummuž uuʹdet iʹlmmteeʹjid, kook tuâjaz õhttvuõđâst hoʹhssje veäʹr tuejjummuž Euroopp unioon leʹbe meersaž vuõiggâdvuõđ vuâstta tiõttum suõʹrjin.Iʹlmmtõõzz tuejjummuš vuõiggâdvuõttkanslerkonttâr iʹlmmtemkanaaʹle
Iʹlmmtõõzz puästtadâânnmõõžžâst tuejjeet ǩeerjlânji leʹbe njäälmlânji. Iʹlmmtõõzz vuõlttummša lie mäŋgg nääʹlled.Vuâsttaväʹlddemiʹlmmtõs
Vuõiggâdvuõttkanslerkoontâr tååimat iʹlmmteeja vuâsttaväʹlddemiʹlmmtõõzz mââimõsân čiččâm peeiʹv seʹst iʹlmmtõõzz vuâsttaväʹlddmest.Serdd tåimmvälddsaž veʹrǧǧnekka
Vuõiggâdvuõttkanslerkoontâr serdd iʹlmmtõõzz tåimmvälddsaž veʹrǧǧnekka leʹbe ministeriaaʹje, kååʹtt tuʹtǩǩad iʹlmmtõõzz.Tåimmvälddsaž veʹrǧǧneǩ tuʹtǩǩad iʹlmmtõõzz
Tåimmvälddsaž veʹrǧǧneǩ leʹbe ministeria ärvvtââll, suåvldet-a iʹlmmtõʹsse da iʹlmmteeja iʹlmmteeisuõjjlemlääʹjj. Veʹrǧǧneǩ leʹbe ministeria seʹlvvat iʹlmmtõõzz tuõʹllʼjummuž da alttad taarb mieʹldd tååimaid kässjõõttâm diõtt veäʹr tuejjummša koon-ne vuâstta.Teâtt iʹlmmtõõzz vuâđald tuejjuum tååimain
Tåimmvälddsaž veʹrǧǧneǩ leʹbe ministeria oudd iʹlmmteeja teâđ iʹlmmtõõzz vuâđald čõõđtum tååimain.Ouddâl iʹlmmtõõzz tuejjummuž lij šiõǥǥ tobdstõõttâd iʹlmmteeisuõjjlemlääʹjj suåvldemvoudda. Organisaatio toiʹmmjummšest hoʹhssjum puästtadâânnmõõžžâst iʹlmmtet vuõss-sâjjsânji organisaatio jiijjâs, siisklaž iʹlmmtemkanaaʹle.
Vuâsttaväʹlddemiʹlmmtõõzz vueiʹtet kueʹđđed tååimteǩani iʹlmmteei raukkmõõžž vuâđald. Vuâsttaväʹlddemiʹlmmtõõzz jeät tååimtuku, jõs tõn tååimtummuš vaareʹči iʹlmmteei identiteeʹtt sueʹj.
Vuõiggâdvuõttkanslerkoontâr iʹlmmat iʹlmmteeja, koozz iʹlmmtõs lij sirddum. Jõs ǩeeʹrjtõs ij čiõlggsânji kuul iʹlmmteeisuõjjlummuž suåvldemvoudda, tõn jeät sirddu tåimmvälddsaž veʹrǧǧnekka leʹbe ministeriaaʹje.