Mo dahkat almmuhusa?

Almmuhusa vejolaš boasttogeavahusas sáhttá dahkat vuoigatvuođakánsleradoaimmahaga čohkkejuvvon olgguldas almmuhankanálii čálalaččat dahje njálmmálaččat. 

Ovdal almmuhusa dahkama gánneha oahpásmuvvat almmuheaddji suodjaleami almmolaš eavttuide:

  • Almmuheaddjis lea almmuheami áigge ákkastallon sivva jáhkkit, ahte rihkkumii guoski diehtu doallá deaivása.
  • Rihkkumii guoski diehtu gullá almmuheaddjisuodjalanlága heivehansuorgái. Oahpásmuva heivehansuorgái.
  • Almmuheaddji almmuha barggus oktavuođas fuomášuvvon boasttogeavahusa birra.

Boasttu dieđuid almmuheapmi iešdáhtos lea ráŋggáštahtti, ja das sáhttá čuovvut vahátbuhtadangeatnegasvuohta.

Loga lasi almmuheaddjisuodjaleami birra.

Almmuhusas galgá leat almmuheaddji namma. Vuoigatvuođakánsleradoaimmahat ii váldde vuostá namahis almmuhusaid.

Almmuhusas galget leat 

  • almmuheaddji namma ja oktavuođadiehtu, dego šleađgapoastačujuhus, telefonnummir dahje čujuhusdieđut
  • diehtu das, man doaibmái ja boasttogeavahussii almmuhus guoská
  • dárkilut čilgehus boasttogeavahusas
  • diehtu dan birra, makkár sajádagas almmuheaddji lea almmuhusa čuozáhaga ektui.

Almmuhusas galgá muitalit, háliidago almmuheaddji vuoigatvuođakánsleradoaimmahagas dieđu almmuhusa vuostáiváldimis. Vuostáiváldinalmmuhus ii doaimmahuvvo almmuheaddji bivdagis dahje juos dan doaimmaheapmi bijašii almmuheaddji identitehta suoji vára vuollái. Dalle almmuheaddjái ii maiddái doaimmahuvvo diehtu dan birra, man virgeoapmahažžii almmuhus lea sirdojuvvon. Vuoigatvuođakánsleradoaimmahat doaimmaha almmuheaddjái vuostáiváldinalmmuhusa maŋimustá čieža beaivvi siste almmuhusa vuostáiváldimis.

Almmuhusa dahkamii leat máŋgga vuogi:

  • šleađgapoasta dahje poasta
  • njálmmálaš almmuhus.

Almmuhusa sádden šleađgapoasttain dahje poastta mielde

Almmuhusa sáhttá sáddet šleađgapoasttain čujuhussii [email protected] dahje poastta mielde čujuhussii Valtioneuvoston oikeuskansleri, PL 20, 00023 Valtioneuvosto. 

Šleađgapoastavuogádat ii nákce váldit vuostá menddo stuorra mielddusfiillaid. Ovtta šleađgapoastta mildosiid oktii rehkenaston stuorámus sturrodat lea 10 Mst. 

Dábálaš šleađgapoasttain ii galgga sáddet suollemassan doalahahtti dahje muđui rašeslunddot dieđuid sisttisdoalli almmuhusaid. Suddjejuvvon šleađgapoastta sáddemii sáhttá geavahit stáhtaráđi dorvopoastta.

Lága mielde suollemassan doalahahtti dahje rašeslunddot dieđuid sisttisdoalli dieđu lea sáddejeaddji ovddasvástádussan (láhka elektrovnnalaš áššiiddikšumis virgeoapmahašdoaibmamis 8 §, 13/2003).

Njálmmálaš almmuhusa dahkan telefovnnas dahje persovnnalaš deaivvadeamis

Njálmmálaš almmuhusa sáhttá dahkat telefovnnas. Almmuhus dahkkojuvvo nummirii 02951 62600. Nummiris váldet vuostá almmuhusaid maŋŋebárggaid dii 14-15 ja duorastagaid dii 10-11.

Sierra bivdagis lea vejolaš ordnet persovnnalaš deaivvadeami almmuhusa dahkama várás. Deaivvadeapmi ordnejuvvo vuoigatvuođakánsleradoaimmahaga doaibmasajis (Stáhtaráđi šloahtta, Snellmaninkatu 1 A, Helsset). Deaivvadeamis ráhkaduvvo beavdegirji, man almmuheaddji sáhttá dárkkistit ja dohkkehit. Persovnnalaš deaivvadeami sáhttá soahpat šleađgapoasttain [email protected] dahje riŋgemiin 02951 62600.

Persovdna­dieđuid gieđahallan

Persovdnadieđuid gieđahallan vuoigatvuođakánslera­doaimmahagas