Tiäđuh virgáduvâst

Riehtikanslervirgâduv pargon lii tuárjuđ riehtikansler já išeriehtikansler sii tooimâst. Riehtikanslervirgáduvâst valmâštâleh riehtikansler čuávdimnáál kulloo aašijd já hoittájeh eres riehtikansler toimâsuárgán kulloo pargoid, tego tärhistmáid já aalmugijkoskâsii oovtâstpaargon lohtâseijee pargoid. Riehtikanslervirgádâh lii jiešráđálâš virgádâh, mii tuáimá staatârääđi ooleest.

Ornijdume

Riehtikanslervirgáduv joođeet riehtikansler. Kansliahovdâ joođeet virgáduv siskáldâs tooimâ sehe huolât ton puátusijn já oovdedmist.

Riehtikanslervirgáduvâst lii staatârääđiaašij uásádâh, riehtikocceemuásádâh já haldâttâhohtâdâh.

Staatârääđiaašij uásáduvâst kieđâvušeh

  • staatârääđi, ministeriöi sehe täsivääldi president virgetooimâi kocceem
  • staatârááđán já ministeriöid kyeskee kuoddâlmijd
  • äššivyeijei, almolij riehti-išedeijei já love finnim riehtijotteemišedeijei kocceem
  • EU-aašij aalmuglii valmâštâllâm.

Riehtikocceemuásáduvâst kieđâvušeh

  • riehtikanslerân tohhum, eres ko ovdiibeln mainâšum kuoddâlmijd
  • tuámustoovlij kocemân já eres lavâlâšvuotâkocemân kyeskee aašijd, jis toh iä kuulâ staatârääđiaašij uásáduvâst kieđâvuššâmnáál aššijd
  • tuámáráid já ášáškutteid kyeskee virgeášáškuttemaašijd
  • ráŋgáštâstuámui täärhistmân kyeskee aašijd
  • paijeelmiärálii nubástusucâmân kyeskee aašijd.

Haldâttâhohtâdâh hoittáá virgáduv siskáldâs haldâttâhân, ekonomian já pargoviehân kyeskee aašijd sehe virgáduv kirjimkontturtooimâ já viestâdem. Lasseen haldâttâhohtâduvâst toimâtteh riehtikansler jyehi-ivvááš muštâlus ovdâskoodán já staatârááđán.

Kuohtuuh uásáduvah já haldâttâhohtâdâh valmâštâleh lasseen ciälkkámušaasijd já kieđâvušeh aalmugijkoskâsijd aašijd.