Oahpásmuvvan almmuheaddjisuodjaleapmái
Almmuheaddji suodjaleapmi addojuvvo almmuheaddjiide, geat fuomášit bargguset oktavuođas Eurohpá uniovnna dahje álbmotlaš rievtti rihkkuma dihtto surggiin.Almmuhusa dahkan vuoigatvuođakánsleradoaimmahaga almmuhankanálii
Almmuhus boasttogeavahusas dahkkojuvvo čálalaččat dahje njálmmálaččat. Almmuhusa sáddemii leat máŋgga vuogi.Vuostáiváldinalmmuhus
Vuoigatvuođakánsleradoaimmahat doaimmaha almmuheaddjái vuostáiváldinalmmuhusa maŋimustá čieža beaivvi siste almmuhusa vuostáiváldimis.Sirdin doaibmaválddálaš virgeoapmahažžii
Vuoigatvuođakánsleradoaimmahat sirdá almmuhusa doaibmaválddálaš virgeoapmahažžii dahje ministeriijai, mii dutká almmuhusa.Doaibmaválddálaš virgeoapmahaš dutká almmuhusa
Doaibmaválddálaš virgeoapmahaš dahje ministeriija árvvoštallá, heivehitgo almmuhussii ja almmuheaddjái almmuheaddjisuodjalanlága. Virgeoapmahaš dahje ministeriija čielggada almmuhusa doallevašvuođa ja álggaha dárbbu mielde doaibmabijuid rihkkumii beali váldima várás.Dieđut almmuhusa vuođul dahkkojuvvon doaibmabijuin
Doaibmaválddálaš virgeoapmahaš dahje ministeriija addá almmuheaddjái dieđu almmuhusa vuođul ollašuhtton doaibmabijuin.Ovdal almmuhusa dahkama gánneha oahpásmuvvat almmuheaddjisuodjalanlága heivehansuorgái. Organisašuvnna doaimmain fuomášuvvon boasttogeavahusas almmuhuvvo vuosttaš sajis dan organisašuvnna iežas, siskkáldas almmuhankanálii.
Vuostáiváldinalmmuhusa sáhttá guođđit doaimmatkeahttá almmuheaddji bivdagis. Vuostáiváldinalmmuhus ii doaimmahuvvo, juos dan doaimmaheapmi bijašii almmuheaddji identitehta suoji vára vuollái.
Vuoigatvuođakánsleradoaimmahat almmuha almmuheaddjái, gosa almmuhus lea sirdojuvvon. Juos čálus ii čielgasit gula almmuheaddjisuodjaleami heivehansuorgái, dat ii sirdojuvvo doaibmaválddálaš virgeoapmahažžii dahje ministeriijai.