Uápásmem almotteijeesuoijâlmân
Almotteijee suojâlem adeluvvoo almotteijei, kote pargos ooleest huámmáš Euroop union tâi aalmuglii rievti rikkom tiätusuorgijn.Almottâs toohâm riehtikanslervirgáduv almottâskanavan
Almottâs puástukevttimist tahhoo kirjálávt tâi njálmálávt. Almottâs vuolgâtmân láá maaŋgah vyevih.Vuástáväldimalmottâs
Riehtikanslervirgádâh tooimât almotteijei vuástáväldimalmottâs majemustáá čiččâm peeivi siste almottâs vuástáväldimist.Sirdem toimâváldálii virgeomâhâžân
Riehtikanslervirgádâh sirdá almottâs toimâváldálii virgeomâhâžân tâi ministeriön, kote totká almottâs.Toimâváldálâš virgeomâhâš totká almottâs
Toimâváldálâš virgeomâhâš tâi ministeriö árvuštâl, ete heiviitteh-uv almottâsân já almotteijei almotteijeesuojâlemlaavâ. Virgeomâhâš tâi ministeriö seelvât, ete tuálá-uv almottâs tiäivás já aalgât tárbulijd tooimâid rikkom kieđâvušmân.Tiätu almottâs vuáđuld tohhum tooimâin
Toimâváldálâš virgeomâhâš tâi ministeriö addel almotteijei tiäđu almottâs vuáđuld olášuttum tooimâin.Ovdil almottâs toohâm lii avžuuttettee uápásmuđ almotteijeesuojâlemlaavâ heiviittemsuárgán. Organisaatio tooimâst huámmášum puástukevttimist almottuvvoo vuosâsaajeest ton organisaatio jieijâs, siskáldâs almottâskanavan.
Vuástáväldimalmottâs puáhtá kyeđđiđ tooimâthánnáá almotteijee táttum vuáđuld. Vuástáväldimalmottâs iä tooimât, jis tom toimâttem uhkedičij almotteijee persovnvuođâ syeje.
Riehtikanslervirgádâh almoot almotteijei, ete kuus almottâs lii sirdum. Jis čaalâ ij čielgâsávt kulluu almotteijeesuojâlem heiviittemsuárgán, te tom iä sirde toimâváldálii virgeomâhâžân tâi ministeriön.