Maht almottâs tahhoo?

Almottâs máhđulii puástukevttimist puáhtá toohâđ riehtikanslervirgáduv čuákkejum olgoldâs almottâskanavan kirjálávt tâi njálmálávt. 

Ovdil almottâs toohâm lii pyeri uápásmuđ almotteijee suojâlem almos iävtuid:

  • Almotteijest lii almottemmuddoost vuáđustâllum suijâ oskođ, ete rikkomân kyeskee tiätu tuálá tiäivás.
  • Rikkomân kyeskee tiätu kulá almotteijeesuojâlemlaavâ heiviittemsuárgán. Uáppáásm heiviittemsuárgán.
  • Almotteijee almoot pargos ooleest huámmášum puástukevttimist.

Puástutiäđui almootmist tátulávt kalga ráŋgášiđ, já tast puáhtá čuávvuđ vaahâgsajanmáksukenigâsvuotâ.

Luuvâ lase almotteijeesuoijâlmist.

Almottâsâst kalga leđe almotteijee nommâ. Riehtikanslervirgádâh ij vääldi vuástá nomâttes almottâsâid.

Almottâs kalga anneeđ sistees 

  • almotteijee noomâ já ohtâvuotâtiäđu, tego šleđgâpostâčujottâs, puhelinnummeer tâi čujottâstiäđuh
  • tiäđu tast, mon tuáimei já puástukevttimân almottâs kuáská
  • täärhib čielgiittâs puástukevttimist
  • tiäđu tast, maggaar sajattuvâst almotteijee lii almottâs čuosâttuv háárán.

Almottâsâst kalga muštâliđ, ete haalijd-uv almotteijee riehtikanslervirgáduvâst tiäđu almottâs vuástáväldimist. Vuástáväldimalmottâs iä tooimât almotteijee táátu vuáđuld tâi jis tom toimâttem uhkedičij almotteijee persovnvuođâ syeje. Talle iä meid tooimât almotteijei tiäđu tast, mon virgeomâhâžân almottâs lii sirdum. Riehtikanslervirgádâh tooimât almotteijei vuástáväldimalmottâs majemustáá čiččâm peeivi siste almottâs vuástáväldimist.

Almottâs tohâmân láá maaŋgah vyevih:

  • šleđgâpostâ tâi postâ
  • njálmálâš almottâs.

Almottâs vuolgâttem šleđgâpoostâ tâi poostâ peht

Almottâs puáhtá vuolgâttiđ šleđgâpoostâ peht čujottâsân [email protected] tâi poostâ peht čujottâsân Valtioneuvoston oikeuskansleri, PL 20, 00023 Valtioneuvosto. 

Šleđgâpostâvuáhádâh ij paste väldiđ vuástá liijkás stuorrâ lahtosvuárháid. Oovtâ šleđgâpoostâ lahtosij oohtânrekinistum enâmusstuárudâh lii 10 Mt. 

Táválijn šleđgâpostáin ij koolgâ vuolgâttiđ almottâsâid, maid kalga toollâđ syeligâsâst, tâi almottâsâid, main láá mudoi ärgisluánduliih tiäđuh. Syeijejum šleđgâpoostâ vuolgâtmân puáhtá kevttiđ staatârääđi torvopoostâ.

Laavâ mield syeligâs tâi ärgisluándulijd tiäđuid siskeldeijee viestâ vuolgâttem lii vuolgâtteijee ovdâsvástádâsâst (laahâ šleđgâlii ášástâlmist virgeomâhâštooimâst 8 §, 13/2003).

Njálmálii almottâs toohâm puhelimist tâi persovnlii teivâdmist

Njálmálii almottâs puáhtá toohâđ puhelimist. Almottâs tahhoo numerân 02951 62600. Numerist vääldih almottâsâid vuástá majebaargâi tme 14-15 já tuorâstuvâi tme 10-11.

Sierâ táttum mield lii máhđulâš orniđ persovnlii teivâdem almottâs toohâm várás. Teivâdem uárnejuvvoo riehtikanslervirgáduv toimâsaajeest (Valtioneuvoston linna, Snellmaninkatu 1 A, Helsinki). Teivâdmist ráhtoo pevdikirje, mon almotteijest lii máhđulâš tärhistiđ já tuhhiittiđ. Persovnlii teivâdem puáhtá sooppâđ šleđgâpostáin [email protected] tâi suáittimáin 02951 62600.

Persovntiäđui kieđâvuššâm

Persovntiäđui kieđâvuššâm riehtikanslervirgáduvâst