Vuõiggâdvuõttkanslerkonttâr teâđtõsjueʹǩǩemlistt
Rekistertuõʹllʼjeei
Vuõiggâdvuõttkanslerkoontâr
Jååʹttemaddrõs Snellmaninkatu 1, HEʹLSSEN
Pååʹštaddrõs PL 20, 00023 RIIKKSUÅVTÕS
Teʹlfon 0295 162 902 (rekisterâʹsttemkoontâr)
Neʹttpååʹšt kirjaamo.okv(at)gov.fi
Teâttsuejjvaʹstteei
Pekka Liesivuori
Pååʹštaddrõs PL 20, 00023 RIIKKSUÅVTÕS
Neʹttpååʹšt tietosuojavastaava.okv(at)gov.fi
Persoonteâđai ǩiõttʼtõõllmõõžž meäʹr di ǩiõttʼtõõllmõõžž lääʹǩǩvuâđđ
Persoonteâđaid ǩiõttʼtõõlât vuõiggâdvuõttkanslerkonttâr teâđtõõzzi jueʹǩǩem diõtt. Teâđtõõzzivuiʹm saaǥǥtet tiʹllʼjeeʹjid ääiʹjpoddsaž aaʹššid.
Ǩiõttʼtõõllmõõžž lääʹǩǩvuâđđan lij rekisterõsttum oummu miâsttmõš.
Ǩiõttʼtõõllâmvuâllsa persoonteâđ
Ǩiõttʼtõõllâmvuâllsa persoonteâđ lie rekisterõsttum oummu nõmm da neʹttpååʹštaddrõs.
Persoonteâđai vuâsttavaʹlddi da leʹbe vuâsttavaʹlddijoouk
Vuõiggâdvuõttkanslerkonttâr tuâjjlažkåʹdd ǩiõttʼtââll persoonteâđaid veʹrǧǧtuâjaineez.
Teâđaid jeät sirddu kuälmad riikkid leʹbe meeraikõskksaž organisaatioid.
Persoonteâđai seeiltemäiʹǧǧ
Persoonteâđaid seeiltet nuʹtt kuuʹǩǩ ko jueʹǩǩemliist ââʹnet vuõiggâdvuõttkansleeʹr teâđtummuž tuärjjan. Teâđaid jaukkeet juõʹǩǩ vueʹjjest, ko rekisterõsttum ooumaž räukk.
Rekisterõsttum oummu vuõiggâdvuõđ
Rekisterõsttum oummust lij vuõiggâdvuõtt vuäǯǯad teâđ tõʹst, što suu kuõskki persoonteâđaid ǩiõttʼtõõlât leʹbe što tõid jeät ǩiõttʼtõllu, da jõs täid persoonteâđaid ǩiõttʼtõõlât, vuõiggâdvuõtt vuäǯǯad piâssmõõžž persoonteâđaid.
Rekisterõsttum ooumaž vuäitt raukkâd teâđeez vuõiǥummuž leʹbe tiuddummuž, jaukkummuž da ǩiõttʼtõõllmõõžž rääʹjtummuž di teâđai serddmõõžž riâžldõõǥǥâst nobba. Persoonteâđai ǩiõttʼtõõllma uvddum miâsttmõõžž lij vueiʹtlvaž jårrâʹstted. Jårrâsttmõš ij vaaikât tõn oudldeei ǩiõttʼtõõllmõõžž lääʹjjmeâldlažvuõʹtte.
Persoonteâđaid kuõskki teâttraukkmõõžž da persoonteâđai vuõiǥummuž leʹbe tiuddummuž, jaukkummuž di ǩiõttʼtõõllmõõžž rääʹjtummuž da teâđai serddmõõžž kuõskki raukkmõõžžid âlgg čuäʹjted rekistertuõʹllʼjeeja.