Valtiolle.fi-rekrytistem­vuáhádâh

Riehtikanslervirgáduv rekrytistemprosesân lohtâseijee occee ucâmušâi kieđâvuššâm.

Registertuállee

Riehtikanslervirgádâh

Kollimčujottâs Snellmaninkatu 1, HELSIG

Postâčujottâs PL 20, 00023 VALTIONEUVOSTO

Puhelin 0295 162 902 (kirjimkonttur)

Šleđgâpostâ kirjaamo.okv(at)gov.fi

Tiätusyejivästideijee

Pekka Liesivuori

Postâčujottâs PL 20, 00023 VALTIONEUVOSTO

Šleđgâpostâ tietosuojavastaava(at)okv.fi

Persovntiäđui kieđâvuššâm tárguttâsah sehe kieđâvuššâm riehtivuáđu

Persovntiäđuh kieđâvuššojeh riehtikanslervirgáduv rekrytistemprosesij várás.

Occee persovntiäđui vuorkkim vuáhádâhân vuáđuduvá registeristum mietâmâšân. Vyerkkejum tiäđui kieđâvuššâm vuáđuduvá riehtikanslervirgádâhân virgeomâhâžžân lahâaasâtmist asâttum kenigâsvuođáid. Rekrytistee kiävttuvuoigâdvuođáid lohtâseijee persovntiäđui kieđâvuššâm vuáđuduvá lahâaasâtmân.

Kieđâvuššâm riehtivuáđđun láá almos tiätusyejiasâttâs 6 artikkâl 1 saje a já c –vyelisajeh.

Kieđâvuššâmnáál persovntiäđuh

Ucâmuššáid lohtâseijee tiäđuh: occee ohtâlistemtiäđuh (nommâ, čujottâs, puhelin, suhâpeeli, eres máhđulâš ohtâvuotâtiätu), occee ucâmušâst oovdânpuáhtám tiäđuh alnestis, ovdâmerkkân škovliittâs- já pargohárjánemtiäđuh, eres tiäđuh maid occee lii toimâttâm jieijâs ucâmuš toorjân tego nommâkirje/ánsuluvâttâllâm, škovlâ- já uápputuođâštusah, pargotuođâštusah, occee almottem avžuutteijeeh, eres tárbuliih tiäđuh moh lohtâseh pargoucâmân já virgetevdim iävttoid.

Persovntiäđui vuástáväldeeh tâi vuástáväldeejuávhuh

Riehtikanslervirgáduv pargeeh kieđâvušeh persovntiäđuid virgepargoinis.

Vuáháduv tiäđuid iä sirde kuálmád enâmáid tâi aalmugijkoskâsáid servijd.

Persovntiäđui siäiluttemäigi

Rekrytistmáid čuosâttum ucâmušâid sikkoh vuáháduvâst kuuđâ mánuppaje keččin proosees nuuhâm maŋa. Ávus ucâmušâid sikkoh vuáháduvâst kuuđâ mánuppaje keččin majemuu vuorkkim maŋa. Occei tiäđuid sikkoh ko toh láá lamaš ive kevtihánnáá. Ovdil sikkom almotteh ääšist occei. Occee puáhtá meid jieš táttuđ jieijâs tiäđui sikkom. Rekrytistee tiäđuid sikkoh reesuurshaldâšemäššitobdee toohâm sikkomtáttum vuáđuld majemustáá talle, ko rekrytistee virgekoskâvuotâ nohá.

Registeristum vuoigâdvuođah

Registeristum ulmust lii vuoigâdvuotâ finniđ tiäđu tast, ete sunjin kyeskee persovntiäđuid kieđâvušeh tâi ete taid iä kieđâvuš, já jis kieđâvušeh taid persovntiäđuid, te vuoigâdvuotâ finniđ peessâm persovntiäđoid.

Registeristum ulmust lii vuoigâdvuotâ vaattâđ registeristum ulmui kyeskee epitärhis já feilâlij persovntiäđui vuoigim já, ko váldoo huámmášumán tiäđui kieđâvuššâm tárguttâs, vuoigâdvuotâ tievâsmittiđ vááijuvlijd persovntiäđuid.

Registeristum puáhtá táttuđ, ete registertuállee räijee kieđâvuššâm, jis registeristum lii pahudâm, ete persovntiäđuh iä toolâ tiäivás. Talle persovntiäđui kieđâvuššâm räijejuvvoo ááigán, mon siste registertuállee puáhtá visásmittiđ toi tiäivás toollâm.

Persovntiäđoid kyeskee tiätutáttum já persovntiäđui vuoigiimân tâi tievâsmitmân sehe kieđâvuššâm raijiimân kyeskee táttumijd kalga čujottiđ registertuállei.