Valtiolle.fi -rekryterenvuogádat
Vuoigatvuođakánsleradoaimmahaga rekryterenprosessii laktáseaddji ohcci ohcamušaid gieđahallan.
Registtardoalli
Vuoigatvuođakánsleradoaimmahat
Galledančujuhus: Snellmaninkatu 1, HELSINKI
Poastačujuhus: PL 20, 00023 VALTIONEUVOSTO
Telefovdna: 0295 162 902 (registrerenkantuvra)
E-poasta: [email protected]
Diehtosuodjeovddasvástideaddji
Pekka Liesivuori
Poastačujuhus: PL 20, 00023 VALTIONEUVOSTO
E-poasta: [email protected]
Persovdnadieđuid gieđahallama ulbmilat sihke gieđahallama vuoigatvuođavuođđu
Persovdnadieđut gieđahallojuvvojit vuoigatvuođakánsleradoaimmahaga rekryterenproseassaid várás.
Ohcci persovdnadieđuid vurken vuogádahkii vuođđuduvvá registrerejuvvon olbmo miehtamii. Vurkejuvvon dieđuid gieđahallan vuođđuduvvá vuoigatvuođakánsleradoaimmahahkii eiseváldin lágas ásahuvvon geatnegasvuođaide. Rekryterejeaddji geavahanrivttiide laktáseaddji persovdnadieđuid gieđahallan vuođđuduvvá láhkii.
Gieđahallama vuoigatvuođavuođđun leat almmolaš diehtosuodjeásahusa 6 artihkkala 1 čuoggá a ja c -vuollečuoggát.
Persovdnadieđut, mat gieđahallojit
Ohcamušaide laktáseaddji dieđut: ohcci spesifiserendieđut (namma, čujuhus, telefovdna, sohkabealli, eará vejolaš oktavuođadieđut), ohcci ohcamušas ovdanbuktán dieđut alddis, ovdamearkan dieđut skuvlejumis ja bargohárjánumis, ohcci ohcamušas doarjjan doaimmahan eará dieđut dego nammagirji/ánsologahallan, skuvla- ja oahppoduođaštusat, bargoduođaštusat, ohcci almmuhan ávžžuheaddjit, eará bargoohcamii ja virggi deavdima eavttuide laktáseaddji dárbbašlaš dieđut.
Persovdnadieđuid vuostáiváldit dahje vuostáiváldijoavkkut
Vuoigatvuođakánsleradoaimmahaga bargoveahka gieđahallá persovdnadieđuid virgebargguid oktavuođas.
Vuogádaga dieđut eai sirdojuvvo goalmmát riikkaide dahje riikkaidgaskasaš organisašuvnnaide.
Persovdnadieđuid seailluhanáigi
Rekryteremiidda čujuhuvvon ohcamušat sihkkojuvvojit vuogádagas guhtta mánotbaji proseassa loahpaheami maŋŋá. Rabas ohcamušat sihkkojuvvojit vuogádagas guđa mánotbaji geažis maŋimuš vurkemis. Ohcci dieđut sihkkojuvvojit go dat eai leat geavahuvvon jahkái. Ovdal sihkkuma ohccái almmuhuvvo ášši birra. Ohcci sáhttá maiddái ieš bivdit dieđuid sihkkuma. Rekryterejeaddji dieđut sihkkojuvvojit resursahálddašanáššedovdi dahkan sihkkunbivdaga vuođul maŋimuštá dalle go rekryterejeaddji virgegaskavuohta nohká.
Registrerejuvvon olbmo vuoigatvuođat
Registrerejuvvon olbmos lea riekti oažžut dieđu das, ahte sutnje gustovaš persovdnadieđut gieđahallojuvvojit dahje ahte dat eai gieđahallojuvvo, ja jus dát persovdnadieđut gieđahallojuvvojit, riekti beassat persovdnadieđuide.
Registrerejuvvon olbmos lea riekti gáibidit sutnje gustovaš eahpedárkilis ja boastto persovdnadieđuid njulgema ja, go váldojuvvo vuhtii dieđuid gieđahallama dárkkuhus, riekti dievasmahttit váilevaš persovdnadieđuid.
Registrerejuvvon sáhttá bivdit, ahte registtardoalli ráddje gieđahallama, jus registrerejuvvon lea šiitán persovdnadieđuid deaivása doallama. Dán dilis persovdnadieđuid gieđahallan ráddjejuvvo áigodahkii, man áigge registtardoalli sáhttá sihkkarastit daid deaivása doallama.
Persovdnadieđuide guoski diehtobivdaga ja persovdnadieđuid njulgema dahje dievasmahttima sihke gieđahallama ráddjemii guoski bivdagiid galgá čujuhit registtardoallái.