Vuoigatvuođa­kánslera­doaimmahaga dieđáhusjuohkin­listu

Registtardoalli

Vuoigatvuođakánsleradoaimmahat

Galledančujuhus: Snellmaninkatu 1, HELSINKI

Poastačujuhus: PL 20, 00023 VALTIONEUVOSTO

Telefovdna: 0295 162 902 (registrerenkantuvra)

E-poasta: [email protected]

Diehtosuodjeovddas­vástideaddji

Pekka Liesivuori

Poastačujuhus: PL 20, 00023 VALTIONEUVOSTO

E-poasta: [email protected]

Persovdnadieđuid gieđahallama ulbmilat sihke gieđahallama vuoigatvuođavuođđu

Persovdnadieđut gieđahallojit vuoigatvuođakánsleradoaimmahaga dieđáhusaid juohkima várás. Dieđáhusaiguin dieđihuvvo áigeguovdilis áššiid birra diŋgojeaddjiide.

Gieđahallama vuoigatvuođavuođđun lea registrerejuvvon olbmo miehtan.

Persovdnadieđut, mat gieđahallojit

Persovdnadieđut mat gieđahallojit leat registrerejuvvon olbmo namma ja e-poasta čujuhus.

Persovdnadieđuid vuostáiváldit dahje vuostáiváldijoavkkut

Vuoigatvuođakánsleradoaimmahaga bargoveahka gieđahallá persovdnadieđuid virgebargguid oktavuođas.

Dieđut eai sirdojuvvo goalmmát riikkaide dahje riikkaidgaskasaš organisašuvnnaide.

Persovdnadieđuid seailluhanáigi

Persovdnadieđut seailluhuvvojit nu guhká, go juohkinlistu geavahuvvo Vuoigatvuođakánslera dieđiheami doarjjan. Dieđut sihkkojuvvojit juohke dáfus jus registrerejuvvon olmmoš dan bivdá.

Registrerejuvvon olbmo vuoigatvuođat

Registrerejuvvon olbmos lea riekti oažžut dieđu das, ahte sutnje gustovaš persovdnadieđut gieđahallojuvvojit dahje ahte dat eai gieđahallojuvvo, ja jus dát persovdnadieđut gieđahallojuvvojit, riekti beassat persovdnadieđuide.

Registrerejuvvon olmmoš sáhttá bivdit dieđuid njulgema dahje dievasmahttima, sihkkuma ja gieđahallama ráddjema sihke dieđuidis sirdima vuogádagas nubbái. Persovdnadieđuid gieđahallamii addon lobi lea vejolaš geassit ruovttoluotta. Ruovttoluotta geassin ii váikkut dan ovdal dáhpáhuvvan gieđahallama lágalašvuhtii.

Persovdnadieđuide guoski diehtobivdaga ja persovdnadieđuid njulgema dahje dievasmahttima sihke gieđahallama ráddjemii ja dieđuid sirdimii guoski bivdagiid galgá čujuhit registtardoallái.