Vuoigatvuođakánsleradoaimmahaga áššehálddašanvuogádat Vahva
Vuoigatvuođakánsleradoaimmahaga áššehálddašanvuogádat Vahva:i vurkejuvvojit áššegieđahallama eaktudan dieđut, mielde áššái laktáseaddji persovdnadieđut, vuoigatvuođakánsleradoaimmahahkii elektrovnnalaččat doaimmahuvvon áššegieđahallamii laktáseaddji áššebáhpárat ja diehtu báberhámis boahtán áššebáhpáriin sihke vuoigatvuođakánsleradoaimmahagas juridihkalaččat čállojuvvon áššebáhpárat.
Registtardoalli
Vuoigatvuođakánsleradoaimmahat
Galledančujuhus: Snellmaninkatu 1, HELSINKI
Poastačujuhus: PL 20, 00023 VALTIONEUVOSTO
Telefovdna: 0295 162 902 (registrerenkantuvra)
E-poasta: [email protected]
Diehtosuodjeovddasvástideaddji
Pekka Liesivuori
Poastačujuhus: PL 20, 00023 VALTIONEUVOSTO
E-poasta: [email protected]
Persovdnadieđuid gieđahallama ulbmilat sihke gieđahallama vuoigatvuođavuođđu
Persovdnadieđut gieđahallojuvvojit vuoigatvuođakánslera lágas ásahuvvon lágalašvuođabearráigeahču barggu čađaheami várás ja vuoigatvuođakánsleradoaimmahahkii gullevaš bargoaddibargguid ja eiseváldebargguid ollašuhttima várás.
Gieđahallama vuoigatvuođavuođđun lea almmolaš diehtosuodjeásahusa 6 artihkkala 1 čuoggá c vuollečuokkis ja vejolaš áššebábermateriálaide gullevaš erenomáš persovdnadiehtojoavkkuide gullevaš dieđu oasil almmolaš diehtosuodjeásahusa 9 artihkkala 2 čuoggá g vuollečuokkis.
Persovdnadieđut, mat gieđahallojit
Áššehálddašanvuogádagas gieđahallojuvvojit vuoigatvuođakánsleradoaimmahaga gieđahallan vuloš áššiide ja áššebáhpáriidda laktáseaddji namma- ja oktavuođadieđut sihke ášši ja áššebáhpáriid spesifiseren- ja gieđahallandieđut. Vuoigatvuođakánsleradoaimmahahkii doaimmahuvvon ja áššehálddašanvuogádahkii vurkejuvvon áššebáhpáriidda sáhttet gullat mat beare persovdnadieđut.
Persovdnadieđuid vuostáiváldit dahje vuostáiváldijoavkkut
Vuoigatvuođakánsleradoaimmahaga bargoveahka gieđahallá persovdnadieđuid virgebargguid oktavuođas. Almmuheaddjisuodjalanáššiin persovdnadieđuid sáhttet gieđahallat dušše almmuheaddjisuodjalanlága oaivvildan vugiin bargui nammaduvvon olbmot. Dasa lassin riikkabeivviid vuoigatvuođaáššeolbmá kansliija registrerenkantuvrras lea stáhtaráđi vuoigatvuođakánslera ja riikkabeivviid vuoigatvuođaáššeolbmá bargguid juohkimis ásahuvvon lága ollašuhttima várás vejolašvuohta beassat áššehálddašanvuogádaga dieđuide, earret áššebábermateriálaide ja almmuheaddjisuodjalanlága oaivvildan almmuhusaide guoski áššiide.
Áššehálddašanvuogádaga dieđut eai sirdojuvvo goalmmát riikkaide dahje riikkaidgaskasaš organisašuvnnaide.
Persovdnadieđuid seailluhanáigi
Ášši johtui biddji namma ja oktavuođadieđut ja ášši gieđahallandieđuide lasihuvvon oassebeliid namma- ja oktavuođadieđut seailluhuvvojit bissovaččat. Almmuheaddjisuodjalanlága mieldásaš almmuhusaid álggaheaddji- ja čuozáhatdieđut eai lasihuvvo seailluhan láhkái persovdnadieđuide.
Áššebáhpáriidda laktáseaddji persovdnadieđut ja elektrovnnalaš áššehálddašanvuogádahkii vurkejuvvon áššebáhpárat seailluhuvvojit vuoigatvuođakánsleradoaimmahaga diehtohálddašanplánas mearriduvvon áiggi.
Registrerejuvvon olbmo vuoigatvuođat
Registrerejuvvon olbmos lea riekti oažžut dieđu das, ahte sutnje gustovaš persovdnadieđut gieđahallojuvvojit dahje ahte dat eai gieđahallojuvvo, ja jus dát persovdnadieđut gieđahallojuvvojit, riekti beassat persovdnadieđuide.
Registrerejuvvon olbmos lea riekti gáibidit sutnje gustovaš eahpedárkilis ja boastto persovdnadieđuid njulgema ja, go váldojuvvo vuhtii dieđuid gieđahallama dárkkuhus, riekti dievasmahttit váilevaš persovdnadieđuid.
Registrerejuvvon sáhttá bivdit, ahte registtardoalli ráddje gieđahallama, jus registrerejuvvon lea šiitán persovdnadieđuid deaivása doallama. Dán dilis persovdnadieđuid gieđahallan ráddjejuvvo áigodahkii, man áigge registtardoalli sáhttá sihkkarastit daid deaivása doallama.
Registrerejuvvon olbmo vuoigatvuohta gieđahallama ráddjemii ii heivehuvvo almmuheaddjisuodjalanáššiide ja registrerejuvvon olbmo beassama dieđuide sáhttá ráddjet, juos dat lea vealtameahttun ja rivttes gaskavuođas almmuhusa deaivása doallama čielggadeami dorvvasteami várás dahje almmuheaddji identitehta suddjema várás. Juos dušše oassi dieđuin leat dakkárat, ahte dat báhcet beassanvuoigatvuođa olggobeallái, registrerejuvvon olbmos lea vuoigatvuohta oažžut diehtit eará sutnje guoski dieđuid. Registrerejuvvon olbmo lea vuoigatvuohta oažžut diehtunis ráddjema ákkaid ja dáhttut addit dieđuid diehtosuodjeáittardeaddjái diehtosuodjelága (1050/2018) 34 §:a 3 ja 4 momeantta mielde.
Persovdnadieđuide guoski diehtobivdaga ja persovdnadieđuid njulgema dahje dievasmahttima sihke gieđahallama ráddjemii guoski bivdagiid galgá čujuhit registtardoallái.