Mearrádus: EJB-guovddáža meannudeapmi jearaldagaide vástideamis

Veahkkevuoigatvuođakánslera sadjásaš buvttii Lappi EJB-guovddáža diehtun buori hálddahusvuohkái guoski oainnus áššehasa dieđuide vástideamis.

Guoddaleaddji lei jearran EJB-guovddáža sámi giellalága ollašuhttimii guoski áššiid. Guoddaleami mielde su dihtui eai lean vástidan.

Ožžojuvvon čielggadeami mielde guoddaleaddjái ledje sádden máŋgga dieđu ELB-guovddážiid čohkkejuvvon áššehasbálvalanguovddážis, ja sus ledje bivdán lassedieđuid áššis. Guoddaleaddji maŋimuš dihtui eai goittotge lean vástidan, go EJB-guovddáža áššedovdi árvvoštallama mielde ovddit vástádusain lei juo albmanan dat, maid guoddaleaddji galggašii bargat, vai áššis sáhtášii ovdánit.

Veahkkevuoigatvuođakánslera sadjásaš gávnnahii, ahte sus eai lean rievttálaš ákkat gávnnahit, ahte EJB-guovddáš livččii meannudan lága vuostá guođedettiinis vástitkeahttá guoddaleaddji maŋimuš oktavuođaváldimii. Goittotge buori hálddahusvuogi livččii buorebut vástidan dat, ahte maiddái dán dihtui livčče vástidan oba oanehaččatge, nu ahte guoddaleaddji ii livččii báhcán eahpediđolažžan das, leago su ovdii buktin ášši ain gieđahallamis.

Mearrádus OKV/530/10/2022 (pdf)