Vääʹld õhttvuõđ ääʹššvuäzzlaž veʹrǧǧnekka
Ouddâl kueʹddlâʹsttem kannat täujja leeʹd vuõiʹǧǧest õhttvuõđâst veʹrǧǧnekka, koon ǩeäčč, što tõt lij tåimmam lääʹjj vuâstta. Nääiʹt äʹšš vuäitt seʹlvvned kueʹddlâʹsttemtää.Tääʹrǩest, što ääʹššstad vuäitt kueʹddlâʹstted vuõiggâdvuõttkansleera
Pukin aaʹššin ij vueiʹt kueʹddlâʹstted vuõiggâdvuõttkansleera. Looǥǥ lââʹzz seeidast ”Haaʹlääk-a kueʹddlâʹstted?”.Tobdstõõđ kueʹddlâʹsttemvuäʹppõõzzid da kueʹddlââʹst ǩeerjlânji
Kueʹddelm tuejjeet ǩeerjlânji. Kueʹddelm vueiʹtet vuõltteed pååʹšt mieʹldd leʹbe neʹttpooʹštin.Rekisterâʹsttemkoontâr vuâsttaväldd kueʹddelm
Vuõiggâdvuõttkanslerkonttâr rekisterâʹsttemkoontâr vuâsttaväldd kueʹddelm da vuõlttad liâđǥlânji puättam kueʹddelm vuâsttaväʹlddmest teâđ kueʹddlõʹsttja.Ärvvtõõllmõš kueʹddelm ǩiõttʼtõõllmest
Vuõiggâdvuõttkansler ärvvtââll, lij-a kueʹdlmest mäinn ǩiõttʼtõõllâd tõn. Vuõiggâdvuõttkansler ǩiõttʼtââll kueʹddelm, jõs son tõn vuâđald eppââll, što vuåppâmvälddses kuulli toiʹmmjeei leʹbe ooumaž lij tåimmam lääʹjj vuâstta, leʹbe jõs vuõiggâdvuõttkansler jeeʹres määin diõtt ärvvtââll, što kueʹddelm ǩiõttʼtõõllma lij tarbb.Kueʹddelmääʹšš čiõlǥtummuš da valmštõõllmõš
Kueʹddelmääʹšš čiõlǥtet vuõiggâdvuõttkansleeʹr taarbliʹžžen ǩiõččâm naaʹlin. Vuõiggâdvuõttkansleeʹrest lij vuõiggâdvuõtt vuäǯǯad veʹrǧǧniiʹǩǩin da jeeʹres õõlmâs tuâj hoiʹddjeeʹjin lääǥǥlažvuõttvuåppmõõžžâs vääras taarbšeʹmes teâđaid.Čåuddmõõžž ouddmõš
Kueʹddelm čåudd juʹn-a vuõiggâdvuõttkansler leʹbe veäʹǩǩvuõiggâdvuõttkansler (leʹbe tän sâjjsaž). Čåuddmõõžžâst mušttlet, mäʹhtt čåuddmõʹšše leät piâssâm da måkam seuʹrrjõõzzid kueʹddelm lij jååʹđtam.Seuʹrrjõõzz
Kueʹddlâsttmõõžž tääuʹjmõs seuʹrrjõs lij tõt, što vuõiggâdvuõttkansler oudd čåuddmõõžžstes kueʹddlõsttum toiʹmmjeeja teâđ lääʹjj leʹbe šiõǥǥ vaaldšemnääʹl meâldlaž mõõntõõllmõõžžâst. Vuõiggâdvuõttkansler ij vueiʹt muʹtted leʹbe kååʹmted veʹrǧǧneeʹǩǩ tuʹmmstõõǥǥ ij-ǥa mieʹrreed veʹrǧǧneeʹǩǩ ǩiõttʼtõõllâd ääʹšš oʹđđest.Čåuddmõõžž tååimtummuš
Čåuddmõõžž tååimtet kueʹddlõʹsttja da taarb mieʹldd kueʹddlõsttum toiʹmmjeeja.Čåuddmõõžž õlmstâttmõš
Vuõiggâdvuõttkansleeʹr tååimaid jååʹđtam čåuddmõõžžid õlmstââʹttet vuõiggâdvuõttkansleeʹr neʹttseeidain. Čåuddmõõžž muuʹttet õlmstâʹttem vääras nuʹtt, što kueʹddlõʹstti da taarb mieʹldd kueʹddlõsttum toiʹmmjeei jeät vuåittu teänab tobddâd čåuddmõõžžâst.Vääʹld lokku, što kueʹddelmǩeeʹrjtõõzz lie väʹlddvuâkkõõzz mieʹldd õõlmâs äʹššǩeeʹrj, jõs tõk jie ââʹn seʹst lääʹjj mieʹldd peittast âânnmõõžž pirrsa kuulli teâđaid.
Looǥǥ tärkka kueʹddlâʹsttemvuäʹppõõzzid seeidast ”Mäʹhtt kueʹddlââʹstet?”.
Vuõiggâdvuõttkansler ij ǩiõttʼtõõl kueʹddelm, jõs
- kueʹddelm kuâskk pâʹjjel kueʹhtt eeʹjj vuäʹmm ääʹšš, jõs ǩiõttʼtõõllma ij leäkku jeäʹrab mäinn
- äʹšš lij ǩiõttʼtõõllâm vueʹlnn tåimmvälddsaž veʹrǧǧneeʹǩǩest
- ääʹšš kuõskki tuʹmmstõʹǩǩe vueiʹtet ooccâd muttâz vuâkkõõzzmeâldlaž (takainallšem) muuttâsooccâmkuånstivuiʹm
- kueʹddelm ij kuul vuõiggâdvuõttkansleeʹr tåimmväldda.
Kueʹddlõʹsttja põõrǥât iʹlmmted ääjtõõlǩani, jõs kueʹddelm jeät ǩiõttʼtõllu vuõiggâdvuõttkanslerkonttrest.
Vuõiggâdvuõttkansler vuäitt seʹrdded kueʹddelm ǩiõttʼtõõllâm tåimmvälddsaž veʹrǧǧnekka, jõs tõõzz lij vuâđđ. Seʹrddmest iʹlmmtet kueʹddlõʹsttja. Vuõiggâdvuõttkansler ij kuuitâǥ kueʹddlõʹstti raukkmõõžžâst seeʹrd kueʹddelmääʹšš da tõõzz õhttneei äʹššǩiiʹrjid jeeʹres veʹrǧǧniiʹǩǩid.
Veʹrǧǧkonttâr juristtouʹddepuʹhtti valmštââll kueʹddelmääʹšš. Ouddâl ääʹšš čåuddmõõžž kueʹddlõsttum toiʹmmjeeja uuʹdet vuäittmõõžž mušttled ääʹššest vuäinlmes, jõs sätt leeʹd mäinn, što tõn mõõntõõllmõõžž ääʹššest âlgg ärvstõõllâd. Kueʹddelm ǩiõttʼtõõllâmäiʹǧǧ lij ǩidd ääʹšš luândast. Täävtõsäiʹǧǧ ǩiõttʼtõõllma lij jäänmõsân õhtt eeʹǩǩ.
Kueʹddelm seuʹrrjõssân vuõiggâdvuõttkansler vuäitt
- mieʹrreed ouddtuʹtǩǩummuž tååimtemnalla
- viârteškueʹtted tuõttšõs lääʹjjvuâsttsažvuõđi õhttvuõđâst
- uʹvdded kueʹddlõsttum toiʹmmjeeja vuâmmšâttmõõžž
- puʹhtted ouʹdde fiʹttjõõzzâs lääʹjj leʹbe šiõǥǥ vaaldâšm kaiʹbbjõõzzin leʹbe vuâđđ- da ooumažvuõiggâdvuõđi teâuddjummuž oouʹdeei pieʹlin
- uʹvdded kueʹddlõsttum toiʹmmjeeja teâđ lääʹjj da šiõǥǥ vaaldšemnääʹl meâldlaž mõõntõõllmõõžžâst
- siâzztõõllâd, što kueʹddlõsttum toiʹmmjeei suåvat šõddâm skääđ, leʹbe čårstõkvuõʹjjin še ooccâd lääʹjjviõkksaž tuʹmmstõõǥǥ leʹbe suvddâz puʹrǧǧummuž
- tuejjeed eʹtǩǩõõzz vännas leʹbe risttreiddsaž šiõttõõllmõõžž muʹttem diõtt.