Vuoigatvuođakánsleradoaimmahaga čohkkejuvvon olgguldas almmuhankanála

Vuoigatvuođakánsleradoaimmahat doaibmá almmuheaddjisuodjaleami čohkkejuvvon olgguldas almmuhankanálan.

Almmuhusa boasttogeavahusas sáhttá dahkat vuoigatvuođakánsleradoaimmahaga čohkkejuvvon olgguldas almmuhankanálii, juos

  • almmuheaddjisuodjaleami golbma almmolaš eavttu divvet. Loga eavttuid
  • almmuheaddjis ii leat vejolašvuohta dahkat almmuhusa siskkáldas almmuhankanálii
  • almmuheaddjis lea ákkastallon sivva jáhkkit, ahte siskkáldas almmuhusa vuođul eai leat álggahan doaibmabijuid mearreáiggi siste dahje dan vuođul rihkkumii ii sáhte váldit beali beaktilit dahje
  • almmuheaddjis lea ákkastallon sivva jáhkkit, ahte son lea váras gártat vuostedoaimmaid čuozáhahkan almmuhusa geažil.

Almmuhus sirdojuvvo doaibmaválddálaš virgeoapmahažžii dahje ministeriijai

Vuoigatvuođakánsleradoaimmahat sirdá almmuhusa doaibmaválddálaš virgeoapmahažžii iige dutkka ieš almmuhusaid. Doaibmaválddálaš virgeoapmahaš lea virgeoapmahaš, gean bargun boasttogeavahusaid goziheapmi ja daidda guoskis almmuhusaid gieđahallan gullá láhkaásaheami mielde. Juos doaibmaválddálaš virgeoapmahaš ii leat, almmuhus sirdojuvvo dan ministeriijai, man hálddahussuorgái almmuhus guoská. Sirdin dahkkojuvvo hohpolaččat, juos almmuhusas lea gažaldat dearvvasvuođa dahje dorvvolašvuođa njuolgga ja duođalaččat áiti rihkkumis.

Vuoigatvuođakánsleradoaimmahat ii goittotge sirdde čielgasit almmuheaddjisuodjaleami heivehansuorggi olggobeallái báhcci čállosiid doaibmaválddálaš virgeoapmahaččaide. Dákkár čállosat eai maiddái gieđahallo vuoigatvuođakánsleradoaimmahagas guoddaleapmin.

Doaibmaválddálaš virgeoapmahaš dahje ministeriija dutká almmuhusa

Doaibmaválddálaš virgeoapmahaš dahje ministeriija árvvoštallá, heivehitgo almmuhussii ja almmuheaddjái almmuheaddjisuodjalanlága. Doaibmaválddálaš virgeoapmahaš dahje ministeriija čielggada almmuhusa doallevašvuođa ja álggaha dárbbu mielde doaibmabijuid rihkkumii beali váldima várás.

Doaibmaválddálaš virgeoapmahaš dahje ministeriija muitala almmuheaddjái dahkkojuvvon doaibmabijuid birra.